Ayuntamiento de Tafalla/Tafallako Udala

Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.
2022ko uztailak 4

Bozkatu non nahi duzun Migrazioaren Parkea Tafallan kokatzea

Foto noticia

Proposamen hau Nafarroako Gobernuaren eta Tafallako Udalaren arteko lankidetza-hitzarmen baten emaitza da, eta bere helburua kalean espazio publiko bat sortzea da, Nafarroa beste herrialde batzuetatik iristen diren pertsona guztientzako harrera-lurra dela adierazteko eta irudikatzeko, migratzeko arrazoia edozein delarik. Helburua ere, Nafarroak kulturen arteko bizikidetzaren eta arrazakeriaren eta xenofobiaren aurkako borrokaren aldeko apustua egiten duela ikustaraztea da.

Migratzaileen harrera Nafarroan azken hamarkadetan izan den gertakari garrantzitsuenetariko bat da. Etengabeko prozesu bat da, non 1996 eta 2002 bitartean atzerritar jatorriko biztanleria ia 6 aldiz biderkatu zen, eta gero hirukoiztu egin zen azken data horretatik 2020ra arte. Erroldako datuen arabera (2022/03/24), Tafallan 10.902 pertsona daude erroldatuta, eta horietatik 9.412k espainiar nazionalitatea dute ( % 86,33), 466k bulgariar nazionalitatea ( % 4,27), 292k marokoar nazionalitatea ( % 2,68), 143k kolonbiarra ( % 1,31) eta gainerakoek, 589k ( % 5,40) beste 46 nazionalitate.

Atzerritar jatorriko biztanleak gure herrietara iristea, igarotzea edo finkatzea fenomeno multidimentsionala da, eta oso esanguratsua da lurraldearen orainerako eta etorkizunerako.

Pertsona guztien harrera erraztu nahi dugu, kulturen arteko bizikidetza funtsezko faktore gisa txertatuz, aniztasunak dakarren aberastasuna baloratuz eta guztion ondasunari egiten dioten ekarpenaren alde, elementu horiek ondare sozial, ekonomiko eta kulturala aberasten laguntzen baitute, eta alderdi horiek ezinbestekoak dira Nafarroako Foru Komunitatean oparotasuna eta gizarte-kohesioa lortzeko.

Hori dela eta, Tafallako herritarrei parte-hartze prozesu bat planteatzen diegu, Migrazioaren Parkea jartzeko dauden bi aukeren artean aukeratzeko, uztailaren 4tik 17ra udal webgune honen bidez egingo den herri bozketan. Bertan Tafallan erroldatuta dauden 16 urtetik gorako pertsona guztiek bozkatu ahal izango dute, pertsona bakoitzeko behin bakarrik. Botoa internet bidez eman ezin dutenek udaletxean eman dezakete, astelehenetik ostiralera, 12:00etatik 14:00etara, Bulego Bakarrean.

Bi proposamen hauek aukeratu behar dira:

  • Kondearen parkea
  • Ereta parkea

BOZKATU HEMEN

NOTICIAS RELACIONADAS

Facebook
Twitter
Youtube