Ayuntamiento de Tafalla/Tafallako Udala

Hasta aquí llegó la penúltima riada liburuarekin lortutako etekinak.

Pasa den urteko uztailaren 8an gertatutako uholdeen ostean Altaffaylla kultur elkarteak liburu bat argitaratu zuen uholdeen irudi ikusgarrienak bilduz. Bertan ere historikoki bertan izan diren uholdeak, iazkoaren azalpenak eta hainbat jakitunen hausnarketak bildu ziren, ingurugiroaren alorrean zein hirigintzan.

Urte erdi pasata amaitutzat eman dute Hasta aquí llegó la penúltima riada. Las enseñanzas del Zidacos liburuaren elkartasun kanpaina. Gaur, historikoki erreferente izango den liburu batez gain 4.452€ lortu direla esan dezakegu. Etekina Tafallako Udalak ireki zuen kontura bideratu da eta kaltetuak izan diren herrien artean banatuko da modu proportzionalean, izandako kalteen arabera.

Elkarteak bertan parte hartu duten pertsonen lana eskertu nahi izan du, baita Tafalla, Erriberri, Beire, Pitillas, Puiu eta Leotzeko Udalen laguntza.