Ayuntamiento de Tafalla/Tafallako Udala

Aditzera ematen dut Udaltzaingoko Alkatetzak Tafallako Udalak ondoko ebazpena eman du, hitzez hitz honela dioena: “Alkatetzaren 2020ko urriaren 22ko ebazpena. Tafallako Udala; horren bidez, Herritarren Segurtasuna eta Bizikidetza arautzen dituen ordenantza prestatzeko prozeduraren barnean, aldez aurreko kontsulta publikoaren tramitea abiaraziko da.

Ordenantza honen helburu nagusia espazio publikoa elkarbizitzarako eta gizalegerako leku gisa babestea da, bertan pertsona guztiek askatasunez garatu ahal izan ditzaten zirkulazio, aisialdi, elkartze eta aisiako jarduerak, Tafallan dauden beste pertsonen duintasuna eta eskubideak eta era askotako adierazpen eta bizimoduak errespetatuta. Eta hori guztia gure hiriko arkitektura-, kultura-, paisaia- eta ingurumen-ondarea nahitaez babestu beharra ahaztu gabe.

Esparru horretan, herritarrek eskubidea dute espazio publikoak erabili eta gozatzeko, eta askatasun hori errespetatu behar zaie. Eskubidea, gizalegez erabili beharrekoa, ondasun publikoen erabilerari buruzko xedapenek eta pertsonak eta ondasunak errespetatu beharrak mugatzen dutena. Eskubide horiek babestu egin behar dira, eta, beren izaeraren arabera, herritarren betebehar korrelatiboak eragiten dituzte. Era berean, arau-ekimenak herritarrengan duen eragina nabarmentzen da.

Herritarrek erregelamendu-mailako arauak egiteko prozeduran parte hartuko dutela bermatzeko, eta Herri Administrazioen Administrazio Prozedura Erkidea arautzen duen urriaren 1eko 39/2015 Legearen 133. artikuluan xedatutakoa betez, ordenantza egin baino lehen, kontsulta publikoa egin behar da, herritarrek eta arau horren eraginpean egon daitezkeen erakunde adierazgarrienek beren iritzia jaso dezaten, eta, beraz, arau horrek eragin ditzakeen beste arazo batzuk konpondu nahi dira. Horretarako, aski izanen da hogei egun balioduneko kontsulta epea izatea.

Kontuan hartuta Toki Araubidearen Oinarriak arautzen dituen apirilaren 2ko 7/1985 Legearen 4.1 a) artikuluak Udal honi ematen dion gaikuntza, eta, gainera, Nafarroako Toki Erakundeen Antolaketaren, Funtzionamenduaren eta Araubide Juridikoaren Erregelamendua onartzen duen azaroaren 28ko 2568/1986 Errege Dekretuaren 165 a) artikuluak, eta uztailaren 6ko 2/1990 Legeak eta hurrengo 324 artikuluek diotena.

Zaintzapeko Segurtasun Sailak igorritako proposamena ikusita, eta Toki Araubidearen Oinarriak arautzen dituen apirilaren 2ko 7/1985 Legean xedatutakoarekin bat etorriz esleitu zaizkidan eskumenak erabiliz, azaroaren 28ko 2568/1986 Errege Dekretua, Toki Entitateen Antolaketaren, Funtzionamenduaren eta Araubide Juridikoaren Erregelamendua onartzen duena, eta gainerako arauak

EBATZI DUT:

Lehenengoa.- Herritarren Segurtasuna eta Bizikidetza arautzen dituen ordenantza egiteko prozeduraren barruan, aurretiazko kontsulta publikoaren izapidea egiteko agintzea, dagokion iragarkia Udalaren web orrian argitaratzen denetik 20 eguneko epean.

Bigarrena.- Laburpen-memoria bat argitaratzea Udalaren web orrian. Bertan, honako hauek jasoko dira: arauaren helburuak, ekimenarekin konpondu nahi diren arazoak, hori onartzeko beharra eta aukera, bai eta beste irtenbide batzuk ere – herritarrek, erakundeek eta elkarteek horri buruz duten iritzia helaraz dezaten, honako posta elektroniko honen bidez: policmunicipal@tafalla.es

Hirugarrena.- Urriaren 1eko 39/2015 Legearen 71. artikuluan xedatutakoarekin bat etorriz, prozedura hau azkartasun-irizpidearen pean jarriko da eta ofizioz bultzatuko da izapide guztietan. Prozedura hori Herritarren Segurtasunerako Arloari esleituko zaio kudeaketa-unitate gisa.

Laugarrena.- Ebazpen hau Herritarren Segurtasunerako Arlora igortzea, horren berri ematea Osoko Bilkurari organo kolegiatu horrek egiten duen hurrengo bilkura arruntean, eta espedientean sartzea. .

Udal idazkaria. Nekane Agreda Arroitz