Ayuntamiento de Tafalla/Tafallako Udala

Bi herrien diru-laguntza uholdeen kalteak arintzeko bideratu ziren

Pasa den asteartean, Arrankudiaga eta Azpeitiak 5.400 eta 3.000 euroko diru laguntza eman zioten Tafallako Udalari uholdeei aurre egiteko. Herri hauek 1983an pairatu zituzten uholdeetan Tafallaren laguntza ekonomikoa jasotzeaz gain, gure herriko boluntario brigadak ere izan zituzten bertan konponketa lanetan. Keinu honen bidez orduan jaso zuten laguntza bueltatu nahi izan dute.

Asteartean, Tafallako Udaletxean izan ziren egun Arankudiagako (Bizkaia) alkatea den Txutxi Ariznabarreta eta beste zenbait Udaleko kide, baita 1983an alkate zen Txomin Egiluz. Haiekin batera, Azpeitiako (Gipuzkoa) alkatea; Aitor Beriziartua. Hauek Jesus Arrizubieta, Tafallako alkateari hunkituta eman zioten diru laguntza, bere garaian jaso zuten laguntza gogoratuz.

Duela 36 urte Larraga, Mendigorria eta Tafallako jendez betetako autobus bat azaldu zen bertan, haien erremintekin auzolanean laguntzeko asmoz.

Jesus Arrizubietak keinua eskertzeaz gain, aurreratu zuen kaltetuak izan diren udalerri guztien artean aurrekontuko partida bat ateratzea proposatuko zuela Nafarroako Udalerrien Federazioak ospatzear duen bilera batean.