Ayuntamiento de Tafalla/Tafallako Udala

Bihar, urriak 18an, asteazkena, Nafarroako Filmategiaren eskutik “Kutxi, de Berriozar” dokumentala proiektatuko da Tafallan, filmaren zuzendaria den Cristian Ruiz bertan dela.

‘Kutxi, de Berriozar’ filmak musika, kea eta, batez ere, komunitate sentimendua ditu. Ez dira asko izango Berriozar bezalako herri bati hainbesteko arreta jarri dioten kamerak, hemen narrazioa kokatzen den paisaia bezala agertzen da, ez Iruñeko periferia bezala baizik eta gertaeraren ekosistema bezala. Bere garaian Andaluziatik iritsitako bizilagun batzuek, hainbat etorkinek bezala, herriko familia harro bat sortu zuten. Jose Carlos Romero, bere semeetako bat, rock izar bihurtu zen Marea taldearekin; Jose Carlos ordez Kutxi ezizena hartu zuen baina familiari eta lagunei leial jarraitu zien. Asteazken honetan 20:00etan proiektatuko da pelikula euro bateko sarrerarekin.

KONTZERTUA ARETO BELTZEAN

Bestalde, urriak 20, ostirala, Cobardes rock taldeak kontzertua eskainiko du Areto Beltzean, gaueko 21:00etan, 5€ko sarrerarekin.

Cobardes, Estatuko mailan rock urbanoan gailendu den taldea Tafallara heldu da “Que empieza el baile” bere azken diskoa aurkeztera. Talde nafarrak “En llamas” eta “Quinientas mil mañanas” abesti berriak joko ditu, “Ceniza y viento” estreinako diskoko abesti adierazgarrienak ahaztu gabe. Elektrizitatea, energia eta nortasun propioa duen rock melodikoa dira taldearen zuzeneko indartsuaren osagaietako batzuk, eta birak hogei hiri baino gehiago zeharkatuko ditu. “Has dadila dantza” bigarren lana da, non rock-and-rolla jotzeko modu berezi bat uzten duten. Benetako rock astindua, bere soinu ezagunarekin, Javiren ahotsak suz markatuta, taldearen benetako nortasunaren ezaugarria: indarra, itxura eta lotsagabekeria.