Ayuntamiento de Tafalla/Tafallako Udala

2018/02/19

Asteburu honetan Tafallak bere ihauteriak ospatuko ditu eta Ihauteri Batzordeak adin guztietarako egitarau erakargarria antolatu du. Luzea izango den eta kolorez beterik egongo den asteburu hau astearterarte luzatuko da, Laguneroren erreketarekin eta Higuico sarien banaketarekin amaitzeko. Aurtengo sariak 150€ eta 100€koak izango dira, herriko jatetxeetan eta ASCOTA-n xahutzeko. Nahi duen orok parte hartu dezake, haren argazkiarekin 630733643 zenbakira washapp bat, edo juventud@tafalla.es emailera korreo bat bidaliz. Edizio honetan tabernek landuko duten gaia “Zinemako Pelikulak” izango da.

Ostiral goizerako Tafallako eskolek heuren ospakizunak antolatu dituzte eta arratsaldean Laguneroren agerraldia izango da. Aspaldian egin zuen bezala, arratsaldeko 19:00etan agertuko da Arkakusoen Enparantzan tafallarrak izutzeko. Hauek mozorrotuta azaldu beharko dira general liberal maltzurra ehizatu ahal izateko. Mozorrotuta azaltzen den orori zenbaki bat banatuko zaio gerora egingo den zozketan sartzeko. Sarituak larunbaterako herriko tabernetatik 2 pertsonarako dohaineko erronda bat irabaziko du.

Larunbat arratsaldea gazteenentzako bideratua dago bereziki. Merkatu Enparantzan umeentzako animazioa egongo da eta gero desfile bat izango da herriko kaleetan zehar. Zezen Suzkoa eta gero “La Cuerda Floja” taldeak joko du Arkakusoen enparantzan. Gaueko 22:30etan afari herrikoia ospatuko da Merkatu Enparantzan eta bertara doazen guztiek gauerako sarrera bat izango dute Kube diskotekan sartzeko. Ondoren Malatxo Txarangak erronda bat egingo du herrian zehar.

Igandeko eginkizun nagusia goizean izango da: Ihauterietako erronda. Hemen Asier Marko konpartsak, gaiteroek, Malatxo Txarangak eta Orritz-Iskidi taldeko pertsonai mitologikoek parte hartuko dute. Arratsaldean umeentzako dantzaldia eta trikitixa eta txaranga errondak izango dira herrian zehar.

ANTOLATZAILEA

Tafallako Udaleko Jai Batzordea

LAGUNTZAILEAK:

Bar Txiki, Bar Nuevo Hostaf, Bar Cuato Esquinas, Bar Pasadizo, Bar Txoko, Bar Txalupa, Sala Informal, Pub Buster, Pub Gabal, Pub Txflan, Kimuak, Discoteca Kube, Ihauteri Batzordea, Gazte Batzordea.