Ayuntamiento de Tafalla/Tafallako Udala

2017/10/20

Gaur goizean Tafallako Udaletxean Berdintasun Arloarentzako logotipo lehiaketaren irabazleari 400€ko saria banatu zaio. Ekitaldia zuzentzen Rakel Alvarez Ardanaz, Berdintasun zinegotzia eta Imelda Mañeru Viguria, Berdintasun teknikaria izan dira. Lehiaketaren irabazlea Paloma Zaratiegui Ibarrola izan da, 26 urteko gazte tafallarra.

16 urte baino gehiago zuen edonor aurkeztu zitekeen lehiaketara, irailaren 26tik urriaren 13ra bitarte. Osotara 38 pertsona aurkeztu dira, bakoitzak 3 logotipo ezberdin bidaltzeko aukerarekin. Rakel Alvarez zinegotziak argitu duenez “16 gizon eta 22 emakume eta Tafallako 21 eta kanpoko 17 pertsona aurkeztu dira; kanpoko 17 horietatik 4 Nafarroatik kanpokoak eta 13 nafartarrak zirenak”.

Epaimahia Berdintasun Arloko zinegotziak, teknikariak eta beste bi kidek osatu dute eta azken erabakia hartzeko orduan lanen balore artistikoak,  moldakortasuna eta errepresentazio gaitasuna kontuan hartu dituzte.

Logotipoa more koloreko fondo baten gainean kokatutako espiral beltz batek osatzen du, non bertan genero maskulino zein femeninoa nahasten diren. “Gizarte honek genero berdintasunarekiko ematen ari den aldaketa irudikatzen du eta kaleko paretetako graffitti erreibindikatiboak ekarri ditzazkigu burura”, adierazi du Palomak. Lehiaketaren irabazleak logotipo berritzaile, gazte eta dinamikoa dela ere esan du.

Batxillergo Artistikoa, Diseinu Grafikoko Goi Mailako Zikloa eta Unibertsitateko Irakaskuntza Gradua dira Paloma Zaratieguik burutu dituen ikasketak.

Logotipoa Berdintasun Arloak parte hartuko duen esparru guztietarako erabiliko da eta azaroaren 25ean lehenengo aldiz ikusi ahal izango da.