Gaur goizean, Tafallako Udaleko Osoko Bilkuren Aretoan, irailetik urtarrilera bitarteko eskaintza soziokulturala argitaratu da. Euskara, Gizarte Zerbitzuak, Gazteria eta Berdintasuna arloek aurkeztu dute batera egitaraua.

Urtero bezala, herritarren alderdi soziala aberasteko eta hauen harremanak osasungarriagoak izateko tresnak eskaintzeko asmoarekin hainbat tailer, erakusketa, hitzaldi, emanaldi eta lantalde antolatu dira. Arlo bakoitzak bere programazioa prestatu du, Udalak berak antolatutako jarduerekin eta Nafarroako Gobernuko institutu eta arloek diruz lagundutako beste batzuekin.

Oinarrizko Gizarte Zerbitzuen atalean, adin guztietako publikoentzako 10 jarduera antolatu dira, besteak beste, baratze iraunkorreko tailer bat, eutanasiari eta bizi-testamentuari buruzko hitzaldi bat, nerabezaroari eta pantailei buruzko solasaldi bat edo pubertaroaren aldaketei buruzko beste bat.

Euskara arlotik, irakurketa kluba edo Mintzakide bezalako lantaldeez gain, bakarrizketa bat, erakusketa bat, guraso eskola bat edo Nafarroako Bertsolari Txapelketaren jardunaldi bat antolatu dira, besteak beste.

Berdintasun-arloari dagokionez, Iguala proiektuaren bigarren edizioa nabarmentzen da, Nafarroako Berdintasunerako Institutuaren 7.000 euroko diru-laguntza jaso duena. Honetaz gain, genero-ikuspegidun ibilaldiak, feminismoaren historiari buruzko hitzaldi bat eta errezitaldi poetiko-musikal feminista bat ere izango dira.

Izena emateko 012 edo 948 012 012 telefono zenbakietara deitu beharko da, irailaren 24tik urriaren 4ra arte. Jarduerak ahalik eta berme handienarekin egin daitezen ezarritako neurriak inplementatuko dira uneoro.

IKUSI EGITARAUA OSORIK