“Gehiegizko tenperaturek osasunean duten eraginaren prebentziorako 2022 urterako Nafarroako planaren” baitan, horra datozen 5 egunetarako eguraldi iragarpenaren balorazioa:
Tenperatura altuak gehiegi luzatuz gero, zenbait lantokitan modu esanguratsuan areagotu daiteke beroak eragindako estres termikoaren arriskua.
Datozen egunetarako aurreikusitako tenperaturak arriskutsuak izan daitezke lan egiten duten pertsonen osasunerako; baita alerta egoera mugatzen duten tenperatura atalasera iristen ez diren egun eta lekuetan ere.
Prebentzioko eragile zaren aldetik, egin beharreko jarduketa oro sustatzen eta bideratzen laguntzeko gomendatzen dizugu egoera hori gerta daitekeen lanpostuetan beroak eragindako estres termikoaren arriskua ezabatu edo murriztera bideratutako prebentzio neurriak zuzen aplikatzen direla ziurtatzeko.
NOPLOIren Lan Osasuneko webgunean, eskura duzu beroak eragindako estres termikoaren arriskua ebaluatzeko informazio eguneratua, bai eta arriskua ezabatu edo murrizteko prebentzio neurriei buruzkoa ere.
Gainera, herritarrendako gomendio orokorrak ere eskura dituzu NOPLOIren Osasun Publikoa webgunean.
Bukatzeko, gogoratzen dizugu, gai honetan eta langileriaren segurtasunarekin eta osasunarekin zerikusia duten gainerakoetan, Nafarroako Osasun Publikoaren eta Lan Osasunaren Institutuko langileengana jo dezakezula aholkurik behar izanez gero.
Kontsulta teknikoetarako, Laneko Arriskuen Prebentziorako Atalera jo dezakezu: 848 42 37 66
Kontsulta medikuetarako, Osasuna Zaintzeko Atalera jo dezakezu: 848 42 37 47
Hitzorduak herritarrak, toki entitateetako ordezkariak eta enpresak bildu zituen Kulturgunean 2023ko ekintzak errepasatzeko asmoz Erdialdeko Garapen Partzuergoak eta Nafarr...
Berlingo Filarmonikoko bakarlari bat eta nazioarteko ibilbidea duen Balkan Paradise Orchestra talde katalana aurtengo interprete eta irakasle taldearen parte dira Tubala Br...
Joan den irailean, Udalak lehiaketara atera zuen Madre Nicol kaleko haur-parkea hornitzeko eta instalatzeko lizitazioa, oraingoa nahiko hondatuta baitago. Nahiz eta oinarrizko...