Ayuntamiento de Tafalla/Tafallako Udala

Gaur hasiko da La Oreja Cortada jaialdiaren hamazazpigarren edizioa. Kulturgunean ospatuko da publikorik gabe eta zuzenean emitituko da internet bidez “La Oreja Cortada en directo” kanalean. Hiru egunez ondorengo taldeak arituko dira:

Asteazkena:

• LA PSEUDOBANDA
• LUANA ETA MAIALEN
• LEIRE URROZ
• LA CUERDA FLOJA

Osteguna:

• ZUFISAMBA

Ostirala:

• RICARDO BPM
• LEYTZ
• MARE·M
• ADRIANA ZARATIEGUI ETA NEKANE MUÑOZ

Gainera, kontzertu tarteak arinagoak egiteko aldaketak egiten diren bitartean Xabi Flamarique, Maitane Goñi eta Jaione Urtasun aurkezleak egongo dira.

“In streaming” emitituko den tafallar musika jaialdirako prestaketak eginak daude eta Kulturguneko areto beltzak telebista plato baten itxura hartu du. Lau eszenatoki prestatu dira, bakoitza bere dekoratu eta musika ekipoarekin. Navar Comunicación enpresak egingo ditu ikusentzuneko lanak eta Miguel Irigaray eta Luis Ros teknikariak egongo dira soinu mahaian.

Gaurko zuzenekoan 4 talde arituko dira eta abestien artean elkarrizketak ere egingo zaizkie. Gainera, pasa den urteko Gazte Jaien argazkiak ere ipiniko dira aldaketen artean. 19:30etik aurrera ikusi ahalko da bidez “La Oreja Cortada en directo” youtubeko kanalean.