Ayuntamiento de Tafalla/Tafallako Udala

2022ko uztailak 1

Garces de los Fayos Ikastolak 2022ko Tafallako Jaietako suziria botako du

Foto noticia

Udalak jakitera eman ditu gaurko prentsaurrekoan abuztuaren 14ko 12: 00etan jaiei hasiera emango dien suziriaren jaurtitzailea aukeratzeko bozketaren emaitzak.

Hautagaitzak aurkezteko prozesu parte-hartzailea ekainaren 29an amaitu zen, 11 hautagaitzarekin: Hiritar Bolondresak, Garces de los Fayos Ikastola, zahar egoitzetako langileen ordezkariak, txertaketa lanetan ibilitako erizainak, Pilar Arbonak ordezkaturik, Tafatrans Vulcanizados Ruiz, Errege Magoen Kabalgata, Miguel Valencia, zahar egoitzak eta Tafallako Osasun Zentroa.

Tafallako jai batzordea osatzen zuten 15 pertsonek aukeratutako hiru hautagaitzen artean aukeratzeko egindako bozkaketak parte-hartze handia izan du aurreko urteekin alderatuta. 1544 pertsonek eman dute bozka.

Alkatearen arabera, hiru hautagaitzetako edozeinek merezi zuen irabaztea, bozketaren emaitzak hain antzekoak izanik.

Hona hemen emaitzak:

  • Tafallako Ikastola: 569 ( %37)
  • Hiriko Boluntarioen Elkartea: 537 ( %35)
  • Egoitzak eta osasun-zentroa: 438 ( %28)

Paula Arregui ikastetxeko zuzendariak eta Aritz Azcarate lehendakariak Ikastolaren izenean hitz egin dute. Ikastolak 52 urte betetzen ditu eta laugarrenez antolatu du Nafarroa Oinez jaia herrian. Ordezkarien arabera, “eskolarako ohorea izango da Ikastolako komunitatea eta Tafallako euskaltzaleak ordezkatzea udaletxeko balkoian”.

Aritz Azcáratek gainerako hautagaiak gonbidatu ditu Ikastolaren ondoan udaletxeko balkoian egoteko suziria jaurtitzen den unean. Ikastetxeak oraindik ez du jakinarazi nor izango den suziria botako duen ordezkaria.

NOTICIAS RELACIONADAS

Imagen 2024ko Udaberriko Tenis Txapelketa

2024ko Udaberriko Tenis Txapelketa

Kirol Arloak jakinarazi nahi du Ereta Parkeko tenis pista birmoldatu dela. Eraberritzeko, zoladura bereziko erretxinen geruza batzuk aplikatu dira gainazalean, eta sareko aing...

Facebook
Twitter
Youtube
Volver arriba
Cookieak erabiltzen ditugu gure webgunean zure nabigazio-esperientzia hobetzeko, eduki pertsonalizatuak erakusteko eta gure webgunearen trafikoa aztertzeko.
Cambiar mi consentimiento