Ayuntamiento de Tafalla/Tafallako Udala

Gaur goizean prentsaurreko bat egin da Tafalla Kulturgunean, metalezko haize instrumentuen “Tubala Brass Week” jaialdiaren bostgarren edizioa izango dena aurkezteko. Bertan, Alicia Sanz; Tafallako CaixaBank-eko Bulego Zuzendaria, Oscar Insausti; Nafarroako CaixaBank-eko Bulego Zuzendaria, Iñigo Ramirez; jaialdiaren zuzendaria eta Tafallako alkate den Arturo Goldaracena izan dira.

Iñigo Ramirezen hitzetan, “jaialdi hau berezia da, hasieran pentsaezina zen bere bostgarren edizioan gaudelako”. Egitarauaren ildo nagusia kontzertuak dira baina hauetaz aparte ekimen ugari antolatuta daude: Erakusketak, dokumentalak edo 80 ikasle inguru izango dituzten klase eta tailerrak.

Nobedade nagusia aurtengo kartelak daukan maila altua da: Tine Thing Helseth tronpetalari norvegiarra edo Venezuelako Simón Bolívar Trumpet Ensemble dira horren adibide. Azken hauen bira europearra Valentzia, Tafalla, Paris, Viena eta Atenasetik pasatuko da. Tafallan gainera, “Tocar y Luchar” dokumentalaren emanaldiaren ondoren haiekin hitz egiteko aukera izango du jendeak.

Beste hainbat gauza berri ere badago: masterclass klaseetan adibidez, tuba eta tronpa modalitateak emango dira, metalezko-haizeen bostkotea osatuz. Baita “Tubala Kids”, txikienentzako klaseak edo musikarien senideei bideratutako tailerra.

Arturo Goldaracenak jaialdi honetan parte hartzen duen jende orori eskerrak eman dizkio, Tafallako Musika Eskolari kasu, edo laguntza garrantzitsua ematen duen CaixaBank entitateari. Jaialdiaren prezio merkeak azpimarratu ditu, ez baita ohikoa holako artistak hain sarrera merkearekin ikusi ahal izatea.

Sarrerak web honen bidez ala jaialdiaren web ofizialaren bidez erosi daitezke. Jaialdiko ekimen guztietara joateko 27€ko abonamendua dago.

Egitaraua:

Azaroak 25, larunbata.

NAFARROAKO ORKESTRA SINFONIKOA

ETA TINE THING HELSETH.

Sarrera: 15 €

Azaroak 26, igandea.

GAZTELA ETA LEONGO ORKESTRAREN

METAL BOSKOTEA

Sarrera: 5 €

Azaroak 27, astelehena.

BRASS POP

Sarrera: 3 €

Azaroak 29, asteazkena.

“TOCAR Y LUCHAR” dokumentalaren emanaldia

Sarrera: doan edukiera bete arte

Abenduak 2, larunbata.

PIRENA BRASS METAL BOSKOTEA

& LA TAFALLESA MUSIKA BANDA

Sarrera: 5 €

Abenduak 3, igandea.

“SIMÓN BOLIVAR” TRUMPET ENSEMBLE

(Venezuela)

Sarrera: 8 €