Joseba Sarrionandia idazle famatuak eta Ines Osinaga abeslariak “Katuen kontuak” emanaldia aurkeztuko dute datorren urtarrilaren 21ean, larunbata, Kulturgunean. Emanaldia 19:00etan izango da eta sarrerak dagoeneko salgai daude HEMEN 6€ren truke.
“Katuen kontuak” emanaldiak musika eta literatura uztartzen ditu. Dozena bat kantu eta kantu bakoitzari sarrera literario bat. “Bidaia luzeko kantuak dira, edo, hobeto esanda, kantuak dira bidaia”, sortzaileen esanetan. Izan ere, Habanan sortutako testuak, Atlantikoa zeharkatu zuten eta Euskal Herrira heldu ziren “eskuz esku, konplizez konplize, sekretu bat konpartitzen dutenen artean sortzen den zirrara hori lagun”.
Joseba Sarrionandiak sortu zituen Kuban duela ia hamar urte. Hitzei, musika jarri zien Gose taldeko Ines Osinagak eta “Gosariak” proiektua gauzatu zuen. Orain, idazlea Euskal Herrian dela, letra horien jatorria eta zergatia azalduko ditu Osinagaren musikaz lagunduta.
Ozeano berak blaitzen ditu La Habana eta euskal kostaldea. Ozeano beraren zurrumurruaren gainean kulunkatuko dira hitzak eta melodiak. Ines eta Joseba. Baik baitira bidaia honen lemazainak. Ironia, salaketa, eromena… aupa Maurizia! Hamaika emozionatzeko jaio gara.
Hitzorduak herritarrak, toki entitateetako ordezkariak eta enpresak bildu zituen Kulturgunean 2023ko ekintzak errepasatzeko asmoz Erdialdeko Garapen Partzuergoak eta Nafarr...
Berlingo Filarmonikoko bakarlari bat eta nazioarteko ibilbidea duen Balkan Paradise Orchestra talde katalana aurtengo interprete eta irakasle taldearen parte dira Tubala Br...
Joan den irailean, Udalak lehiaketara atera zuen Madre Nicol kaleko haur-parkea hornitzeko eta instalatzeko lizitazioa, oraingoa nahiko hondatuta baitago. Nahiz eta oinarrizko...