2018/06/12
“La Tafallesa” Musika Bandak, Ainara Ortegaren ahotsarekin batera, ikusle mota guztientzako aproposa den jazz eta swing klasikoena eskainiko dute larunbat honetan, ekainak 16an, Centro Cultural Tafalla Kulturgunean. Ainara Ortega Donostiko Musikene Goi mailako Jazz Kontserbatorioan lizentziatu den lehenengo emakumea da. 19 urterekin iada dixieland musika lantzen zuen Mac Jeara’s Band taldearekin. Hauek lau urtetan ehun kontzertu inguru eskaini zituzten. Ez hori bakarrik, musika eta antzerki proiektu askotan lan egin du artista ezagunekin batera: Iñaki Salvador piano jotzailea, Bob Sands saxofoilaria edo Joaquín Chacón gitarrista.
Etbko Goenkale saioaren soinu bandari ere ahotsa jarri zion. Egin duen azkena Theo’s House pelikula finlandiarraren soinu banda izan da, Pascal Gaigne konpositore ezagunak sortua. Scat izena daraman bere lehenengo diska 2015ean atera zuen eta Ainarak lantzen dituen hizkuntza eta estilo nahasketaren bildumarik egokiena da, kantari elektriko honen autoerretratu paregabea.
Data: 2018ko ekainaren 16a, larunbata
Lekua: Centro Cultural Tafalla Kulturgunea
Ordua: 20:00
Sarrera: 3€
Tafallako Udalak, liburutegiarekin batera, eta Elhuyarrek “Zientzia-emakumeak argira” erakusketa antolatu dute. Otsailaren 10etik martxoaren 10era, Tafallako Liburutegian ...
Nafarroak bat egiten du 2026ko Hezeguneen Munduko Egunarekin, "Hezeguneak eta ezagutza tradizionalak: kultura-ondarea ospatzea" lelopean, gizartea sentsibilizatzeko eta inplik...
Tafallako Haur Eskolak ate irekien jardunaldiak antolatuko ditu otsailaren 18, 19, 23, 24 eta 25ean, 16:30ean. Bisitek ordubeteko iraupena izango dute, eta bertan instalazioak...