Ayuntamiento de Tafalla/Tafallako Udala

Tafallako Udalak Lorezaintza eta Pinturako Prestakuntza eta Enplegu Tailerra jarri du abian, langabezian dauden 12 lagunentzat. 2026ko urtarriletik irailera bitartean eginen da.

Nafarroako Enplegu Zerbitzuak diruz lagundutako proiektuak 202.175,74 €-ko aurrekontua du, Tafallako Udalak enplegurako prestakuntza proiektuak sustatzen eta egiten duen ibilbide luzeari jarraipena emanez. Tailer hau Nafarroan garatzen diren antzeko 21 proiektuen parte da. Xabier Alkuaz, Tafallako alkatea, eta Gontzal Ibarrola, Gizarte Zerbitzuetako zinegotzia, aurkezpen ekitaldian izan ziren.

Tafallako tailerrak lorezaintza eta pintura espezialitateetako prestakuntza teorikoa eta praktikoa uztartzen ditu, parte-hartzaileei etorkizun laboralari ateak irekiko dizkieten tresnak eta ezagutzak emanez.

Ildo horretan, proiektu honen helburua prestakuntza teorikoan ikasitako teknikak modu praktikoan aplikatzea da, herriko berdeguneak eta udal espazioak mantentzeko, lehengoratzeko eta hobetzeko jardueren bidez. Jarduera horiek parte-hartzaileei eta, oro har, komunitateari egiten diete mesede, herriko espazio komunak hobetzen baitituzte.

Zortzi hilabetez, taldea 9 gizonek eta 3 emakumek osatuko dute, 17 eta 48 urte bitartekoak, eta 07:40tik 15:00etara lan eginen dute, zuzendari orientatzaile batek eta irakasle espezializatuek osatutako talde batek gainbegiratuta. Laguntza teknikoa Nafarroako Ikaskuntza Integraleko Zentroaren (CNAI) esku dago.

Helburu nagusia parte-hartzaileen laneratzea erraztea da, gaitasun espezializatuak eta esperientzia praktikoa eskuratuz eskaria duten sektoreetan. Ikuspegi praktiko horrek, eskuratutako ezagutzak benetako proiektuetan aplikatzeko aukerarekin batera, tailerra eskualdeko langabeziari aurre egiteko funtsezko ekimen bihurtzen du.

Proiektu honekin, Tafallak tokiko garapenarekin eta inguruko enplegagarritasunaren hobekuntzarekin duen konpromisoa indartzen du.