Ayuntamiento de Tafalla/Tafallako Udala

Nafarroako Filmoteka zikloaren barruan, bihar asteazkena, martxoak 20, Tafallan Martin Zalbaren timelapse film laburrak proiektatuko dira. Tafalla Kulturgunean izango da arratsaldeko 19:00etan 3 €-ko sarrerarekin. Aurkezpena eta solasaldia izango da Martin Zalbarekin berarekin.

Saioa, Martin Zalba sortzaile nafarrari eskainiko zaio, time-lapse baliabidea lantzen eta menderatzen duen bakarrenetakoa. Baliabide horrekin ikus-entzunezko ederrak sortu ditu, berak konposatutako musikarekin ikusiko ditugunak. 2008az geroztik, argazkilaritza digitalean hasi zen, modu autodidaktikoan. Ondoren, erakusketa ugari egin zituen gure herrialdean, eta New Yorkeko Agora Gallery-n egindakoa nabarmendu zuen, gonbidatua izan baitzen. 2019an time-lapse eta hyperlapse teknikako lehen entseguak egin zituen, eta bere lehen lanak ekoizten hasi zen. Bere musikarekin batera (berariaz haientzat konposatua) Filmategian aurkeztuko ditu. 2023an, aurrerapauso bat eman zuen, eta dokumentalak ekoizten hasi zen, time-lapse teknika eta bideo-teknika uztartuz. Gaur egun, munduko hainbat herrialde dokumentatzen ditu. Lehen Sariak eta Selekzio Ofizialak jasotzen ari da Nazioarteko Zinema Jaialdietan.

Zuzendaritza, argazkilaritza eta musika: Martín Zalba (C)

Hizkuntza: Elkarrizketa gabe

Proiekzioak:

Gaua argitzen denean
Bosgarren Erreala
Bardea
Namibia
La Palma
Uneak
Argi ezkutua
Ladakh