Ayuntamiento de Tafalla/Tafallako Udala

2022ko martxoaren 3tik 18ra, Mugarik Gabeko Haurtzaroak antolatutako erakusketa hau ikusgai egongo da Hiritar Zentroan. Bertan, Boliviako Potosi Departamentuko Kitxua eta Aimaras komunitatetan garatzen ari den jantoki-proiektu bat islatzen da. Proiektu hori, neurri batean, Tafallako Udalak diruz lagundu zuen Garapenerako Lankidetzaren 2020ko Deialdian.

Erakusketak 15 argazki ditu eta Boliviako goi-lautadako familien bizi-baldintza gogorrak islatzen ditu. Goi-lautadako nekazari gehienek arazo bera dute: familia-iraupeneko nekazaritzako eta abeltzaintzako sistema baten produktibitate eza. Hori pobreziaren ohiko aurpegietako bat da, haurren malnutrizioa dakarrena. Behar horretatik, hain zuzen, sortu da elikadura indartzeko proiektu hau, hainbat landa-eskolatako ehunka haur laguntzen dituena.