Ayuntamiento de Tafalla/Tafallako Udala

Zeinu-mintzairaren presentzia aldarrikatzen dute esparru guztietan

Tafallak Pertsona Gorren Nazioarteko Eguna ospatuko du larunbat honetan, irailak 30. “Gorrak izan gaitezkeen mundua” lelopean, Nafarroako Pertsona Gorren Elkarteak (ASORNA), Zaragozako eta Aragoiko Pertsona Gorren Elkarteak (ASZA) eta Errioxako Pertsonen Elkarteak (ASR) jarduera-programa zabala proposatu dute, kolektiboari bere eskubideak aldarrikatzeko eta gorren komunitatearen zeinu-hizkuntza, aniztasuna, elkarte-batasuna eta kultura ospatzeko balioko diona.

Goizean, Tafallako Alde Zaharrera bisita gidatuak egingo dira zeinu hizkuntzan, bertako Udalaren laguntzarekin eta ASORNAko interprete taldearen eskutik. 14:00etan ekitaldi instituzional bat egingo da Hiritar Zentroan, hiru elkarteetako ordezkariak eta alkatea bertan izango direlarik. Arratsaldean, 17:30ean, Marcos Ortega magoak magia ikuskizuna eskainiko du zeinu hizkuntzan.

ALDARRIKAPEN NAGUSIAK

Era berean, manifestu bat irakurriko da zeinu-mintzairaren erabiltzaileek aurre egin behar dieten baldintzatzaileak aipatuz: “Gorren hizkuntza-eskubideak mugatzea eskubide horien existentzia mugatzea da”, dio manifestuak. “Beharrezkoa da zeinu-hizkuntzak edozein politika publikoren ardatzean kokatzea eta horien erabilera beste hizkuntza bat bezala normalizatzea”.