2015/5/9
Tafallan ospatu da larunbata honetan “Nafarroako Musika Eskolen III. Eguna” eta bertan Nafarroako 1200 musikari inguru elkartu dira.
Hitzordua Nafarroako musika Eskolen Elkarteak antolatu du Tafallako Musika Eskolarekin batera eta Tafallako Udalak eta ikasleen gurasoek lagundu dute besteak beste.
Goizean zehar, Tafallako kaleak eta txokoak musika anitzaz bete dira: klasikoa, egungoa (pop, rocka…) edo herrikoia. Bost eszenatokitan (Tafalla Kulturgunea, Nafarroako Plaza, Arkakusoen Plazatxoa, Kultur Etxea eta Hiritar Zentroa) eta kalejiran hirian barna ibili dira.
Ekitaldi ofiziala Tafallako Udaleko Osoko Bilkura aretoan ospatu da eta bertan ekimenean parte hartu duten guztiei eskertu nahi izan zaie bere lana. Ondoren, Barañaingo Musika Eskolari pasa zaio lekukoa.
Halaber, eskola partaide guztiei plaka bana eman zaie, osotara 25: Altsasu, Aranguren, Barañain, Burlata, Egües, Mutiloa, Noain, Antsoian, Uharte, Irurtzun, Martzilla, Erriberri, Azkoien, Gares, San Adrian, Zangoza, Tafalla, Zizur Nagusia, Artaxoa, Garínoain, Aralar, Berriozar, Orreaga, Oltza Zendea, Orkay.
Egunari bukaera emateko Nafarroako Plazan elkartu dira banda guztiak eta denen artean hainbat pieza jo dute elkarrekin, jende andanaren aurrean.
Hitzorduak herritarrak, toki entitateetako ordezkariak eta enpresak bildu zituen Kulturgunean 2023ko ekintzak errepasatzeko asmoz Erdialdeko Garapen Partzuergoak eta Nafarr...
Berlingo Filarmonikoko bakarlari bat eta nazioarteko ibilbidea duen Balkan Paradise Orchestra talde katalana aurtengo interprete eta irakasle taldearen parte dira Tubala Br...
Joan den irailean, Udalak lehiaketara atera zuen Madre Nicol kaleko haur-parkea hornitzeko eta instalatzeko lizitazioa, oraingoa nahiko hondatuta baitago. Nahiz eta oinarrizko...