Ayuntamiento de Tafalla/Tafallako Udala

Ekainaren 28ko 5/2023 Errege Lege Dekretuak dirulaguntzen sistema bat ezartzen du, bidaiarien garraio kolektiboko zerbitzua ematen duten autonomia-erkidegoei eta toki-erakundeei finantza-laguntza emateko. Horien artean dago garraio-bonuen sistema bat ezartzea, prezioa ehuneko 50 murriztuta. Espainiako Gobernuak % 30 finantzatuko du, eta % 20 Nafarroako Foru Komunitatearen aurrekontuen kontura.

Bidaietarako autobusa erabili ohi duten pertsonei laguntzeko bonu izendunak dira.

Aurrekoaren ondorioz, Tafallako kontzesioan (NAV-002) bonuak saltzen hasiko dira uztailaren 17an, astelehena, eta abenduaren 31ra arte jarraituko dute. Erositako bonuak 2024ko urtarrilaren 31ra arte erabili ahal izango dira.

Jatorria-Helmuga 10 bidaiako bonuak dira, lerro nagusirako (Erriberri -Tafalla-Iruña) eta lerro erradialetarako.

Une honetan, bonuak Interbusek Iruñeko Autobus Geltokian duen leihatilan baino ezin dira erosi. Behin bonua erosita, beti atera behar da bonu horri lotutako txartela Iruñeko leihatilan.

Nafarroako Gobernuko Garraio eta Mugikortasun Iraunkorreko Zuzendaritza Nagusiak jakinarazi digu laster bitarteko alternatibo eta osagarriak jarriko direla bonuak eta txartelak erosi ahal izateko.