“Omenaldia Beatles taldeari” izenpean egingo den kontzerturako sarrerak salgai daude iada. La Tafallesa Musika Banda eta The Beat-Less taldeak ferietako larunbatean, otsailaren 9an hain zuzen, emanaldi bat eskainiko dute arratsaldeko 19:00etan Tafalla Kulturgunean. Sarrerak Kulturguneko lehiatilan edo web orri honen bidez eskuratu daitezke 10€ren truke.

1969ko urtarrilaren 30ean The Beatles talde ingelesak “Kontzertua teilatuan” edo “Apple Corps-eko kontzertua” bezala ezagutzen den azken emanaldi publikoa eman zuen. 2019 honetan emanaldi horren 50. urteurrena ospatzen da eta horregatik La Tafallesa Musika Banda eta The Beat-Less taldea Liverpool-eko musikarien omenean arituko dira hauen abestirik esanguratsuenak jotzen. Historiak eman duen talderik garrantzitsuenetako baten abestiez gozatzeko aukera paregabea izango da.

SARRERAK EROSI