Ayuntamiento de Tafalla/Tafallako Udala

Tafallako Udalak, eraginkortasun energetikoa hobetzeko eta hiriko kutsadura murrizteko asmoz, patruila elektriko berria erosi du Udaltzaingoarentzat. Mugikortasun jasangarria sustatzeko, 16 urte baino gehiago dituen ibilgailu diesel zaharraren ordez, % 100 elektrikoa den Kia Niro ibilgailu bat jarri da, Estella Motor S.A. enpresaren eskutik lortutakoa.

Kutsadura murriztearen eta bideetako trafikoa baketzearen ildoan, gehienezko abiadura 30K/h-ra murriztuz eta ibilgailu astunen hiriko igarotzea mugatzeaz gain, auto elektrikoa kutsatzen ez duen garraio profesionalaren alternatiba egokia da.

Udaltzaingotik azaldu dutenez, hasierako asmoa hiriko erdigunean patruilatze-orduak bikoiztea da, eta patruilatze periferikoa ibilgailu hibridorik zaharrenarentzat uztea.

Argazkian, ezkerretik eskuinera Eduardo Cabanellas (Estella Motor), Jesús Arrizubieta alkatea, Jacinto Goñi Herritarren Segurtasunerako Saileko zinegotzi ordezkaria eta Alfredo Ondarra udaltzainburua.