Ayuntamiento de Tafalla/Tafallako Udala

1874ko martxoaren 29an, Somorrostroko lerroan, granadazko kasko batek Teodoro Rada Berruezo brigadier karlista hil zuen, “Radica” ezizenez ezaguna. 150 urte geroago, bere bizitzaren zati handi batean harrera egin zion herrian omenduko zaio, jardueraz betetako asteburu batekin.

Liburuaren aurkezpena

Egitaraua Manuel Martorellen El pueblo en armas (Altaffaylla, Txalaparta) liburuaren aurkezpenarekin hasiko da, ostiralean, hilak 8, 19:00etan, Kultur Etxean. Liburuak «Tafallako igeltseroaren» historia kontatzen du, baina baita berarekin joan zirenena ere: bere ehunka herrikide, bera bezala Tafallakoak, bere idealen alde borrokatuz, askoz indar handiagoen aurrean ondoz ondoko garaipenak lortu zituzten euskal lurraldean. Batzuek Zumalakarregi berri bat ikusi zuten Radan, kasualitatez Bilbo setiatzen ere hil zena.

“Azken batean, gizon xume baten erretratua da. Armaz jantzitako bere herriaren ondoan, historiara igaro zen, bere inguruan azkar aldatzen zen mundu bati aurre eginez. Mundu hori ordura arte ezagututakoa baino bidegabeagoa iruditzen zitzaien”, dio sinopsiak.

Bisita gidatua eta monumentua

Larunbatean goizeko 11:00etan paseo historikoa egingo du Martorellek berak Aitor Alzorrizek lagun duela. Ekitaldia 12:30etan amaituko da Cuatropea Zubian. Bertan, monumentua inauguratuko da musikaz, dantzaz eta aperitiboaz lagunduta. Jotak, Radica eta Laguneroren zaldikoen dantzak eta Fermin Balentziaren parte hartzea izango dira, besteak beste. Ondoren bazkari herrikoia egingo da.

Txangoa

Azkenik, datorren larunbatean, azaroak 16, Somorrostrora txangoa burutuko da, bertan lore eskaintza egiteko. Bazkarian zein bidaian izena emateko altaffaylla@gmail.com posta elektronikoaren edo 674 201 820 telefonoaren bidez egin daiteke.

Altaffayllatik gogorarazten dute dohaintzak egin daitezkeela monumentua jartzeko:
LABORAL KUTXA:
ES92 3035 0114 15 1140013637
Kontzeptua: Radica