Ayuntamiento de Tafalla/Tafallako Udala

Larunbatean, martxoaren 27an, izango da, Tafallako Mencos jauregiaren kanpoaldean. Ekimena Gurutze Gorrirako elikagaiak biltzeko asmoarekin egingo da.

Tafallako atletak elkartasun ekimen berria aurkeztu du gaur Tafallako Udalean, Ignacio Moros Kirol zinegotziak eta Pedro Arzoz Tafallako Gurutze Gorriko lehendakariak lagunduta.

Azken bi erronka handiak alde batera utzi ondoren, lehenengo uholdeagatik eta pandemiagatik ostean, Everest mendiaren 8.848 metroko altuera igotzeko irrikaz dagoela aitortu du Rikik. “Errekoleten eskailerak” etengabe igotzen eta jaisten arituko da larunbatean. Eskailerak 2.000 aldiz baino gehiago igoko ditu, goizeko 6etan hasiz eta ilunabarrean amaituz.

Ohikoa denez, helburu solidarioa izango du erronkak. Kasu honetan, Ricardok Tafallako Gurutze Gorriarekin elikagaiak biltzea erabaki du. Egun osorako, Mencos jauregiko eskaileren behealdean janaria uzteko tokia prestatuko da. Tafallako Gurutze Gorritik bizilagunei dei egin diete gerturatzeko eta laguntzeko, pandemiak argi utzi baitu Erdialdeko jende askok behar handiak dituela. Elikagaiak beharrak dituzten familientzat izanen dira.

Berritasun gisa, ekitaldia zuzenean ikusi ahal izango da YouTuben, 05:40tik aurrera. Navar Comunicación enpresak eramango die irudia jarraitzaile guztiei Streaming-a kirolariaren prestakuntzekin hasiko da eta amaitu arte erronka osoa emitituko da.

YouTubeko emisioa jarraitzeko esteka