Onomastika Elkarteak (OE), Tafallako udalaren ezin estimatuzko laguntzarekin, Ricardo Cierbide irakasle tafallarraren omenezko liburua aurkeztuko du bertako kultur etxean hilaren 12an, ostiralarekin, arratsaldeko 19.00etan. Ricardo Cierbide sona handiko filologoa da, Nafarroako hizkuntzetan aditu nabarmenetarikoa eta EHUko irakasle emeritua. Liburuak onomastika, hizkuntza eta historiari buruzko 21 lan biltzen ditu eta bertan diziplina hauetako aditu gailenek hartu dute parte, denak ere omenduaren lankide eta adiskideak. Ekitaldia Kepa Gallego aktorearen Canáko ezteien antzezpen batek eta Tafallako udalaren eskaintza den Joteros de Tafalla talderaren emanaldi batek girotuko dute. Uxueko Andra Mariaren santutegira eginiko bisitaldi bat izango da omenaldiaren aurretik eta biharamonean jarraipena izango du Erriberrin, liburuaren beste aurkezpen batekin eta OEaren asanblada orokorrarekin.