Ayuntamiento de Tafalla/Tafallako Udala

Iñaki Lerga, Kultur Zinegotziak eta Atxu Ayerra, Tafallako Udaleko Kultur Teknikariak aurkeztu dituzte Kulturgunearen egitaraua osatuko duten ikuskizunak.

Zinegotziaren arabera, “egitaraua era askotarikoa, kalitatezkoa eta biribila” da hurrengo lau hilabeteetarako. Antzerkia, musika eta dantza ikuskizunen artean, aipatzekoak dira beste behin Nazioarteko Koralen Zikloa, bere hogeita laugarren edizioa ospatzen duena edo metalezko instrumentuei eskainitako Tubala Brass Week astea.

Aurten, iaz bezala, Kultur Ministerioak diruz laguntzen duen Platea programarekin kontatu da. Teknikariaren hitzetan, “kalitate ezaguneko ikuskizunak ekartzea posible dugu ikusleak ohikoa baino gutxiago ordainduz”.

Aurten Pablo Carbonell artista polifazetikoaren ikuskizuna da aipagarrienetako bat, monologo dibertigarri baten bidez Espainiako azken 30 urteak erretratatuko dituena.

Urriko azken astean eta azaroko lehenengoan XXIV. Nazioarteko Koralen Zikloa ospatuko da, Erresuma Batuko, Filipinaseko, Alemaniako eta Noruegako koroen parte hartzearekin. Ziklo hau Nafarroako Gobernuak antolatu du aurten, eta ez Koroen Federazioak ohikoa zen bezala.

Bederatzigarren aldiz, Gabalzeka Antzerki Taldeak “Hirugarren Sektorearen Antzerki Jaialdia” antolatu du, iaz gabonetan ospatu eta gero aurten betiko datetara mugitu dena.

Atxu Ayerra teknikariak aipamen berezia egin die gurasoei seme alabak antzerkietara eramateko. Hauek asteazkenetan ospatuko dira, urriaren 10 eta 24ean eta azaroaren 14ean zehazki. “3 urte baino gehiago izanda, garrantzitsua da seme-alabak antzerkira eramatea, artearekin kontaktu zuzena izan dezaten eta kultura aintzat hartuz tarte dibertigarri bat pasatzeko”.

Horretarako, apustua argia izan da, kalitate oneko obrei prezio herrikoiak ipiniz.

Urtea amaitzeko Tubala Brass Week asteari esker , metalezko instrumentuen maitaleek artista famatuekin gozatu ahal izango dute.

Sarrerak bihartik aurrera, irailak 19, takilan zein web gunean salgai egongo dira. www.tafalla.es

ANTZERKIA:

• Irailak 21 eta 22. Puntido Teatro – “Castañuelas 70 + 50”.
• Irailak 29. Puntido Teatro – “Alba y sus amigas”.
• Urriak 5. Kulunka Teatro – “Solicitudes”.
• Urriak 19. Lurrak Antzerkia – “Lurrak”.
• Abenduak 14. Nueve de Nueve Teatro – “Con lo bien que estábamos (Ferretería Esteban)”.

HIRUGARREN SEKTOREA:
• Azaroak 3. Teatro Talo – “Una plantilla de atracadores”.
• Azaroak 10. Teatro en construcción – “Huanita”.
• Azaroak 17. Teatro Cuatro – “Un jurado sin piedad”.
• Azaroak 24. Tadzio Teatro – “Los últimos días de Judas Iscariote”.
• Abenduak 1. Titania Teatro – “Chateau Margaux”.

HAUR ETA FAMILIEN ZIKLOA:
• Urriak 10. TEATRO. La pera limonera – “Lágrimas de cocodrilo”.
• Urriak 24. CUENTO CON MÚSICA. La teatrería – “Gretel y Hansel”.
• Azaroak 14. DANZA. Otradanza – “Eva y Adán”.

MUSIKA:
• Urriak 27. Pablo Carbonell “El mundo de la tarántula”.
• Azaroak 23. Banda La Tafallesa y Fernando Salinas – “El tango de Piazzolla”.

XXIV. NAZIOARTEKO KORAL ZIKLOA:
• Urriak 29. CONVIVIUM SINGERS (Reino Unido).
• Urriak 30. ATENEO CHAMBER SINGERS (Filipinas).
• Urriak 31. I VOCALISTI (Alemania).
• Azaroak 1. SCHOLA CANTORUM (Noruega).

DANTZA:
• Azaroak 9. Proyecto Larrua – “Baserri”.

MULTIDISZIPLINARRA:
• Azaroak 16. Siria entre amores que matan. Danza, música, imágenes, poesía y arte comunitario.

TUBALA BRASS WEEK:
• Abenduak 2. Adam Rapa & Big Band de Musikene – “Jazz for all”.
• Abenduak 3. Adam Rapa, Juan Carlos Matamoros y Banda La Tafallesa – “Metales a escena”.
• Abenduak 4. Escuelas de Música de Tafalla y Noain – “Brass on Broadway”.
• Abenduak 5. Orquesta Sinfónica de Navarra & Manuel Blanco.
• Abenduak 6. Coros tafalleses & Tubala Brass Ensemble – “Lur-Hotsak”.
• Abenduak 7. Septura Brass Septet – “Christmas with Septura”.