Ayuntamiento de Tafalla/Tafallako Udala

Tafallak 12 gazte behar ditu Garbiketa eta Lorezaintza Lantegi Eskola berrian trebatzeko eta lan egiteko. Udalak urriaren 27an jarriko du abian programa hau, prestakuntza ofiziala, lan esperientzia eta laguntza uztartzen dituena, profesionalen eskaera handia duten sektoreetan gizarteratzea errazteko.

Tafallako Udalak laster irekiko du Garbiketa eta Lorezaintza Lantegi Eskola berrian parte hartzeko hautaketa prozesua. 12 gazteei zuzendutako prestakuntza eta enplegu programa honek urtebeteko iraupena izanen du. Ekimenak aukera bat ematen du lanbide-kualifikazioa lortzeko, lan esperientzia eskuratzeko eta enplegua izatera heltzeko aukerak hobetzeko.

Servicio Navarro de Empleo-Nafar Lansare Zerbitzuak diruz lagunduta, Tailer Eskolak Tafallako Udalaren apustuarekin jarraitzen du, ikaskuntza eta lan eraginkorra uztartzen dituzten programen alde, ikasleek prestakuntza jaso ahal izan dezaten, udalerrian onura publikoko jarduera errealetan parte hartzen duten bitartean.

Programan zehar, ikasleek 1. mailako bi Lanbide Ziurtagiri lortuko dituzte:

·      Eraikin eta lokaletako gainazalak eta altzariak garbitu.

·      Espazio irekietako eta industria-instalazioetako garbiketa.

Gainera, prestakuntza lorezaintzako formakuntza espezifikoarekin osatuko da, eta hainbat eduki jorratuko dituzte, hala nola lorezaintzako oinarrizko prozedurak, inausteko eta sastrakak kentzeko teknikak eta tratamendu fitosanitarioak. Konbinazio horrek nabarmen zabalduko ditu enplegu-aukerak gero eta profesional kualifikatu gehiago eskatzen dituen sektore batean.

Formakuntzak teoria eta praktika uztartuko ditu hasiera-hasieratik. Parte hartzaileek garbiketa eta mantentze lanak eginen dituzte Tafallako udal eraikin, espazio publiko eta berdeguneetan, eskuratutako ezagutzak benetako lan ingurune batean aplikatuz. Era berean, gaitasun digitalei, jasangarritasunari, berdintasunari, trebetasun sozialei eta lan orientazio pertsonalizatuari buruzko prestakuntza jasoko dute, lan merkatuan sartzen laguntzeko.

Lantegi Eskola 16 eta 30 urte bitarteko langabeei zuzenduta dago, baldin eta enplegu-eskatzaile gisa izena emanda badaude, beren lanbide-prestakuntza hobetu nahi badute eta kontrataziorako aukera onak dituzten lanbideetan lan-esperientzia lortu nahi badute.

Interesdunek Nafarroako Ikaskuntza Integraleko Zentroan (CNAI) eskatzen ahal dute informazioa, 848 433 653 telefonoan eta empleoyformacion@cnai.es helbide elektronikoan. Bertan hautaketa prozesuari eta sartzeko baldintzei buruzko aholkularitza jasoko dute.

INFORMAZIO GEHIAGO

IZENA EMAN HEMEN

Lantegi Eskola berri honekin, Tafallako Udalak gazteen enpleguarekin, kalitatezko prestakuntzarekin eta tokiko garapenarekin duen konpromisoa indartzen du, lanbide bat ikasteko, titulazio ofizial bat lortzeko eta lan etorkizun baterantz lehen urratsa emateko aukera eskainiz.

Tafalla, 2026ko abuztuaren 10a