Ayuntamiento de Tafalla/Tafallako Udala

2015/4/29

Ekainaren 6an, larunbatarekin, Tafallak X. Euskararen Eguna ospatuko du, Tafallako Udaleko Euskara Batzordeak antolatutako hainbat ekimen martxan jarriz.   

Egun honetan euskararen normalizazio lanean ari diren pertsonei bere ekarpena aitortu nahi zaie. Tafallako Udaleko Osoko Bilkura Aretoan 13:30ean izango da ekitaldi nagusia.

Aurten 10 urteotan Euskara Zerbitzutik igaro diren Euskara Teknikariak omendu nahi ditu Euskara Batzordeak. Honako hauek dira: Izaskun Samaniego, Olatz Zabaleta, Josune Ortiz eta Ana Flamarique egun dagoena ordezkatu zutenak: Miren Munarriz, Usoa Wyssenbach, Ainhoa Fernandez.  Modu berean eskertu nahi zaie 2004an Euskara Zerbitzua sortzea erabaki zuten udal taldeei eta Euskara Batzordeari berari, izan ere urtez urte lanean jo eta su ari baita. Oro har euskararen alde lan egiten duten pertsona guztiak oroitu euskararen normalizazioa posible egiten baitute “.

Ekitaldi nagusian Marrazki Lehiaketako irabazleei saria banatuko zaie eta Baigorri Abesbatzak emanalditxoa eskainiko du.

Beste jarduera batzuk

Dianak, hiru ikastetxeetako dantzariak, ikastolako erraldoiak, haurrentzako txokoak, musika izango dira egunean zehar. Eguerdiko 12:00etan Joan Amendux Garroren omenezko plaka jarriko da Miserikordia 19 kalean (Altafaylla eta Euskara batzordearen ekimena).

Bazkari herrikoia

Bazkari herrikoia egingo da, aurten Arkakusoen Plazatxoan; bazkari txartelak salgai egongo dira honako leku hauetan: Tafallako Udaleko Euskara Zerbitzuan, Txiki taberna, Pasadizo, Cuatro Esquinas eta Bar de Javi (helduak 15 euro eta txikiak 10 euro).

X. EUSKARAREN EGUNA. EGITARAUA

• 10:00 Hamarretakoa txistularientzat
• 10:30-11:30 Dianak txistulariekin
• 11:30-12:00 Dantzariak, ikastolako erraldoiak, zanpantzarra kalejiran Miserikordia 19 kaleraino.
• 12:00-12:30 Plaka jartzea (Altaffaylla +Euskara Batz). Joan Amendux Garro.
• 13:00 Dantzarien emanaldia F. Navarra plazan.
• 13:30 Ekitaldi nagusia Udaletxeko Osoko Bilkura aretoan. Omenaldia. Sari banaketa marrazki Lehiaketako irabazleei. Baigorri abesbatza.
• 15:00 Bazkaria Plazetan. Zozketa.Tafalla Kantuz Trikidantz Taldearekin.
• 16:00–18:00 Txokoak haurrentzat “Xamariko” F. Navarra plazan.
• 19:30-21:30 Trikidantz Taldea Arkakusoen plazatxoan.

 EGITARAU OSOA (313 Kb)