Ayuntamiento de Tafalla/Tafallako Udala

Tafalla galaz jantzi zen atzo arratsaldean, egun hauetan oso ohikoa ez den ekitaldi batean; izan ere, Udalbatza osoa, Erraldoi eta Buruhandien segizioarekin batera, Zaldikoak, dantzariak, txistulariak, gaiteroak, Timbaleroak eta La Tafallesa Musika Bandak kalejiran desfilatu zuten Kulturgunera, jai giroan, urtarrilaren 20an edo abuztuaren 15ean egiten den bezala. Izan ere, merezi zuen, Hiri titulua eman zeneko 388. urteurrena ospatzen baitzen, 1986tik ospatzen ez zen ekitaldia.

Jardunaldia Tafalla historia idatzian lehen aldiz azaldu zenetik 1.100 urteurrena ospatzeko egindako ekitaldien barruan kokatzen da. Honen barnean ospatu zen baita Tafalla Hiria Tubal Sariaren lehen edizioa, zeinaren helburua “Tafallak munduan eta bere historian leku bat izan dezan, kultura, kirola edo asoziazionismoa bultzatuz lan egin duten pertsona eta/edo erakundeei eskerrak ematea eta aintzatestea” izan zen. Bertan, José Mari Esparza eta Joaquín Mencos izan ziren sarituak.

Xabier Alkuaz Tafallako alkateak ekitaldi instituzionalean azaldu zuenez, “1157an Sancho Ramirez Nafarroako Erregeak foruak eman zizkien tafallarrei eta foruak berrituta iritsi ginen 1636ko urriaren 1era arte, Felipe IV.ak hiri titulua eman zionean. Hau da gaur ospatzen dugun efemeridea “.

“Tafalla-Tubal Saria herria egiteko helburuarekin sortu zen bezala, ospakizun hau eskualdea egiteko ideiarekin sortu zen. Indibidualismoa eta globalizazioa lehenesten diren garai hauetan, ez gaude ohituta komunitateari balioa nola eman neurtzera, auzolanean lan egitera, printzipioak dituen gizarte bat izatera eta guztion ondasuna norbanakoaren eta ekonomiaren interesen gainetik ipintzera. Horretan datza egun hau, hemen daukagunari balioa ematean. Etorkizunera begira lan egitea, nondik gatozen eta non gauden jakinda. Guzti honengatik eta askoz gehiagorengatik, egun hau eskualde osoarekin batera ospatzeko arrazoiak ditugu “, zioen amaitzeko.