Ayuntamiento de Tafalla/Tafallako Udala

Aurten hamar kasu zenbatu dituzte, azken hamarkadako kopururik handiena

Nafarroako Berdintasunerako Institutuak emandako datuen arabera, Tafallan, 2024ko urtarrila eta iraila bitartean, 21 salaketa jarri dira eta 10 bikariotza-indarkeria kasu zenbatu dira (6 neskato eta 4 mutiko), azken hamarkadako kopururik altuena. Hala azaldu zuen Goizeder Juango Berdintasun zinegotziak ostegun honetan, azaroak 21, Udaletxeko Osoko Bilkuren aretoan, azaroaren 25ean Emakumeenganako Indarkeriaren aurkako Nazioarteko Eguna ospatzeko antolatu duten programaren berri emateko egindako prentsaurrekoan. “Aurten ere, Tafallako Udalak bat egiten du Berdintasun Teknikarien Sarearen proposamenarekin, irudia, leloa eta adierazpen instituzionala partekatuz. Gure herriko salaketa-datuak ikusita, beharrezkoa da gure politikak eta baliabideak indartzen jarraitzea indarkeria matxista mota guztiei aurre egiteko, baita ikusezinenei ere, hala nola indarkeria bikarioari. Horregatik, aurten kanpainaren leloa Ez da antzerkia, indarkeria bikarioa da. Ez da antzerkeria bikarioa “, azaltzen zuen Goizederrek.

Tafallan jarritako salaketei buruz zinegotziak eman zituen datuetako batzuk honako hauek izan ziren:

Salatzaileei dagokienez:

• Emakumeen % 42.86 30 eta 49 urte bitarteko adin-tartean daude.
• % 39,10 18-29 urtekoen artean eta % 15 50-64 urtekoen artean.
• Nabarmentzekoa da salaketen % 14,29 adingabeei dagozkiela.

Erasotzaileei dagokienez:

• Gizonen % 61,90 30 eta 49 urte bitarteko adin-tartean daude.
• % 28,57 18 eta 29 urte bitartean.

Indarkeria-motari dagokionez:

• Indarkeria fisikoa eta psikologikoa da ohikoena, kasuen %42,86 baitira.
• Indarkeria psikikoa, sexu-indarkeria eta babes-agindua urratzea %19 dira, hurrenez hurren.
• Sexu-indarkeriari eta biktimen adinari erreparatuz, azpimarratzekoa da salatutako lau kasuetatik 3 emakume adingabeenak direla.

Biktimaren eta erasotzailearen arteko harremanari dagokionez:

• Kasuen % 80,95ean bikotekidea edo bikotekide ohia da. Zehazki, %33,33 bikotekide ohiak dira, eta %47,62 berriz, bikotekideak gertakariak salatzeko unean.
• Nabarmentzekoa da kasuen %14,29an ez dagoela harremanik bien artean.

Emakumeen eta erasotzaileen jaioterriari dagokionez:

• Emakumeen % 81 Espainian jaio dira.
• Erasotzaileen % 52 espainiarrak dira.

Tafallan salaketak jaso dituen polizia taldea:

• Foruzaingoa: %71,43.
• Guardia Zibila: %28,57

Tafallako Emakume Biktimei Laguntzeko Taldeak 25 kasu artatu ditu urtarrila eta iraila bitartean. Horietatik 24 adin nagusikoak dira eta bat adingabea. Guztiek indarkeria psikologikoa zuten, eta %56k indarkeria fisikoa ere bai. Azpimarratzekoa da EAIVn artatutako emakumeen %28k indarkeria ekonomikoa bizi izan duela.

A25 programa

Data garrantzitsu horren esparruan, Berdintasun Sailak lau ekitaldi prestatu ditu publiko guztientzat. Lehenengoa, gaur ostirala, arratsaldeko 17.00etan, Kolasan, komunikazio tailerra izango da, De Improviso taldearen eskutik (tailer hau azaroaren 29an errepikatuko da). Astelehenean, hilaren 25ean, alde batetik, adierazpen instituzionala irakurriko da plazan, 12.00etan, eta, bestetik, 19:30ean, kolektibo feministek elkarretaratzea egingo dute plazan, eta bertan ere beren manifestua irakurriko dute. Azkenik, ostegunean, hilaren 28an, hainbat emakumek performance bat egingo dute Kulturguneko areto beltzean, 18:30ean.