Ayuntamiento de Tafalla/Tafallako Udala

2016/5/5

Maiatzaren 21ean Tafallako Udaleko Euskara Batzordeak antolatuta,  XI. Euskararen Eguna ospatuko da. Aurten berrikuntza bezala ekitaldi guztiak Arkakusoen Plazatxoan antolatuko dira. Halaber, egun honen inguruan beste bi ekitaldi gehiago aurreikusten dira, maiatzaren 19an eta 25ean.

Aurreko urteetan bezala, Euskararen Egunean omenaldia egin nahi zaie euskararen normalizazioan lan egiten duten pertsona, elkarte eta kolektiboei. Aurten Altaffaylla elkartea aukeratua izan da bere 30. urteurrenean. Omenaldia maiatzaren 21ean, larunbatarekin, Arkakusoen Plazatxoan izango da eta Baigorri abesbatzak girotuko du ekitaldia.

Egunean zehar dianak, dantzariak, Ikastolako erraldoien kalejira, talo tailerra, musika kaleetan barna eta haurrentzako txokoak topatuko ditugu, besteak beste.

Bestaldetik gogoratu bazkaria iaz bezala Arkakusoen Plazatxoan izango dela. Bazkari txartelak Euskara Zerbitzuan, Txiki, Pasa Berria, Cuatro esquinas eta Txoko tabernetan daude salgai. Berrikuntza bezala hiru menu eskaintzen dira: 15 euro helduak: , 8 euro gazteak eta 5 euro txikienak.

Maiatzan Euskararen Egunaren karietara, beste bi jarduera antolatu dira: Maiatzaren 19an, Bertso-poteoa kalez kale, eta Maiatzaren 25ean “Neskatoak” dokumentalaren emanaldia Jon Abril zuzendariarekin Tafalla Kulturguneko zinema aretoan.

EUSKARAREN EGUNEKO EGITARAUA (MAIATZAK 21)

• 10:30-11:00 Diana txistulariekin.
• 11:00-12:00 Dantzariak eta Ikastolako erraldoiak.
• 12:00-13:30 Talo tailerra (denontzat)
• 13:30 Ekitaldi nagusia. Omenaldia: Altaffaylla. Marrazki Lehiaketako sari banaketa. Baigorri abesbatza.
• 15:00 Bazkaria.
• 16:30-18:30 Haurrentzako txokoak
• 17:30 Kalejira Trikidantzekin.
• 18:00-20:00 Trikidantz plazatxoan.

BESTE EKITALDI  BATZUK

• Maiatzak 19, osteguna: Bertso-poteoa. 19:30etan Plazatxoan.
• Maiatzak 25, asteazkena: Neskatoak dokumentalaren emanaldia. 20:00etan Tafalla Kulturguneko zinema aretoan.

EUSKARAREN EGUNEKO EGITARAUA (86 Kb)

BESTE EKITALDI BATZUK (58 kB)