Ayuntamiento de Tafalla/Tafallako Udala

Larunbat honetan, Nafarroako Unibertsitateko Euskal Hizkuntza eta Kultur Katedrak zein Etniker fundazioak antolatuta, Tafallako Udalaren laguntzarekin, “Ondare Kulturala Hurbilduz” jardunaldia ospatuko da Kulturgunean.

Ekitaldi honetan hiru tafallar izango dira hitzaldi bana ematen. Bazkari bat egongo da baita ere eta El Saso inguruan bisita gidatu bat egingo da.

Egitaraua 10:45ean hasiko da aurkezpen batekin. Ondoren, Alberto Maganek San Sebastianen kondaira eta tradizioak azalduko ditu. Hau eta gero Javier Torralbak hartuko du hitza, “Tafalla a pie” blogaren hamargarren urteurrenari buruz hitz egiteko.

Azkenik, Iñigo Aguerri “Los Pajes”, nafarroako jotaren aintzindarien historia azalduko du.

Eguerdian, Miguel Indurain Polikiroldegian bazkaria ospatuko da eta amaitzeko, arratsaldean, Javier Torralbak bisita gidatu bat eskainiko du El Saso eta bere etxaldeen ingurutik.