Ayuntamiento de Tafalla/Tafallako Udala

LGTBI+ Harrotasunaren Nazioarteko Eguna dela eta, Tafallako Udalak giza eskubideen, aukera berdintasunaren eta aniztasunaren errespetuaren aldeko konpromisoa erakutsi nahi du, bizikidetza demokratikorako funtsezko balioak baitira.

Ekainaren 28a LGTBI+ pertsonen eskubideen alde lan egin duten pertsonak eta kolektiboak aitortzeko jardunaldia da, gizarte askeagoa, pluralagoa eta inklusiboagoa eraikitzen laguntzeko. Tafallan, Laiak Kolektiboak paper garrantzitsua jokatu du prozesu honetan, sentsibilizazio eta lankidetza ekimenak sustatuz, aniztasunaren ikusgarritasun eta aitortza handiagoa ahalbidetzeko. Aldi berean, data horrek gogorarazten digu oraindik diskriminazio-, arbuio- eta indarkeria- egoerak daudela, eta erakunde publikoen eta gizarte osoaren erantzun irmoa behar dela.

Toki entitateek, herritarrengandik gertu daudelako, erantzukizun berezia dugu ingurune seguruak sustatzeko, non pertsona guztiek beren bizi proiektua askatasunez eta duintasunez garatu ahal izanen duten, sexu orientazioagatik, genero identitateagatik edo adierazpenagatik diskriminaziorik jasan gabe.

Tafallako Udaletik berdintasun erreal eta eraginkorraren aldeko ekintzak bultzatzen jarraitzeko borondatea berresten dugu, elkarte sarearekin eta LGTBI+ pertsonen eskubideen defentsan lan egiten duten erakundeekin lankidetzan.

Gizarte bidezkoago eta inklusiboago baterantz aurrera egiteko, gure konpromisoa adierazten dugu:

• Diskriminazioari aurre egiteko eta aniztasunarekiko errespetua bultzatzeko sentsibilizazio-ekimenak sustatzea.
•  Intolerantzia, jazarpen edo indarkeria egoeren aurrean arreta eta laguntza emateko neurriak eta baliabideak bultzatzea.
• Elkarrekiko errespetuan eta gorrotoa, bazterketa edo diskriminazioa sustatzen duen edozein diskurtso edo jokabide arbuiatzean oinarritutako bizikidetza defendatzea.
• Beste administrazio batzuekin eta gizarte-erakundeekin lankidetzan aritzea, pertsona guztien eskubideak babesten eta bermatzen aurrera egiten jarraitzeko.

Bide horretan, Tafallak komunitateanitzago, inklusiboago eta pertsona guztien eskubideak errespetatuko dituen komunitate baterantz aurrera egiten jarraituko du.