Ayuntamiento de Tafalla/Tafallako Udala

2015/8/20

Jaien azken egunean Euskara Batzordeak antolatutako ekitaldiak nabarmentzen dira, 12:00etan Baigorri Elkartetik abiatu den Tafalla Kantuz ekimenarekin, kaleak euskal doinuekin girotuz. Kantuzale andana batu da deialdira eta eguna osatzeko asmoz herri bazkaria eta arratsaldeko dantza saioa izan dira.

Halaber, Txistularien Alarde Handia aurten ere ikusle gehien bildu duen ekitaldietako bat izan da. Tafallako jaietan 46. urte betetzen dituen hitzordua da. Foruen plazan izan da emanaldia eta bertan 75 partaidek hartu dute parte, txistulari, metal, perkusionista eta dantzarien artean, besteak beste. Itziar Zigandaren zuzendaritzapean, txistu musika errepertorio zabalaz gozatu ahal izan dute bertaratuek.