Ayuntamiento de Tafalla/Tafallako Udala

Atzo, apirilak 26, gure seme-alabak etxetik kanpo atera ahal izan ziren, jokabide eredugarria izanik, berrogeita hiru egunez itxita egon ondoren. Gainera, Tafallako herritar gehienek jarraibideak eta baldintzak ongi bete dituzte.

Hala ere, ikusi ahal izan da zenbait gurasok ez dituztela bete haurrekin paseatzera ateratzeko jarraibideak. Arduragabekeria eta elkartasunik gabeko ekintza horiek inboluzio batera eraman gaitzakete, hartutako neurrien berregokitzera, guztiongan eragina izango duena. Batzuen arau-hausteek guztientzako ondorioak dakartzate.

Badakit nekatuta gaudela, eta ahalik eta lasterren normaltasun pixka bat berreskuratu nahi dugula. Horregatik, gurasoei eskatzen diet adingabeekin irteterakoan zabaldu diren osasun-segurtasuneko jarraibideak bete ditzaten. Asko dago jokoan, asko, eta denok jabetu behar dugu horretaz. Ezin dugu atzera pausorik eman, gizakien bizitzak jokoan daudelako eta konfinamendua, osasunean eta ekonomian dituen ondorio larri guztiekin gehiago luzatu daiteke. Baita, jakina, osasuna eta bizitza arriskuan jartzen ari diren pertsonekiko begiruneagatik ere, pena merezi du jokabide egokia izateak. Gure burua zaintzen eta gure oinarrizko beharrak asetzeko lan egiten dihardutenengatik.

Gauza asko ez dira errazak izango datozen aste eta hilabeteetan, eta badakit zentzudunak izango zaretela. Harro nago gure herriak azken asteetan egin duen ahaleginaz, zuetako bakoitzak errotik aldatu baitu bere bizitza; horrela, bizitza asko salbatu dira. Daukazuen onena ateratzen ari zarete, eta eskerrak eman nahi dizkizuet.

Pandemia honek, gure ahultasunaz gain, gure jokabideekin bizitzak salbatu ditzakegula erakutsi digu. Beraz, elkar zaindu eta arduraz jokatu dezagun gure seme-alabekin paseatzen dugunean.

Seguru asko, eta dena ondo badoa, datorren larunbatean kirola egitera eta paseatzera atera ahal izango gara. Guztion osasuna dela eta, zorrotz bete behar ditugu Osasun Ministerioak emandako jarraibideak. Zure portaera ez da hutsala, parte hartu egoera beldurgarri honetatik ahalik eta azkarren ateratzeko.

Hona hemen gure adingabeekin egin beharreko irteeretan bete beharreko neurriak:

Nor atera daiteke?

• 14 urtetik beherakoak.

Nor ezin da atera?

• Sintomak dituzten edo COVID-19 diagnostikoaren bidez etxean isolaturik dauden adingabeak.

Norekin atera daitezke?

• Haurrak eguneroko ibilaldira aterako dira beti pertsona heldu eta arduratsu batek lagunduta (heldu arduratsutzat hartuko da adin nagusikoa, gaur egun haurrarekin etxe berean bizi dena, edo adingabearen kargura etxeko langile bat dena). Heldu arduraduna ez bada guraso, tutore, sendatzaile, hartzaile edo legezko edo egitezko zaintzaileek, haien baimena beharko dute aldez aurretik.
• Hiru haur bakoitzeko pertsona heldu arduradun bat irten ahal izango da. Pertsona heldu laguntzailea izanen da proposatutako baldintzak eta mugak betetzearen erantzulea.

Nora joan daiteke?

• Adingabearen etxetik gehienez kilometro batera paseatu daiteke (gune naturalak eta baimendutako berdeguneak barne).
• Ezin izango da haurrentzako jolas espazioetara sartu aire librean (txirristak, zabuak), ezta kirol instalazioetara ere.
• Eremu jendetsuak saihestea gomendatzen da.

Zenbat denbora atera daiteke?

• Gehienez ere ordubetez atera daiteke, egunean behin.

Zer ordutan atera daiteke?

• Goizeko 9:00etatik gaueko 21:00ak arte irten daiteke, irteera lan-ordutegiarekin eta familia bakoitzaren errutinekin bateragarri egiteko eta aglomerazioak saihesteko.
• Ahal den neurrian, eguzki orduetan paseatzea gomendatzen da.
• Hurbileko lantokietako irteera eta sarrera orduetan ez irtetzea gomendatzen da

Ereta eta Kondearen Parkea pasealekuak egokitu dira aisialdirako espazioak zabaltzeko, herritarrek modu arduratsuan haietaz goza dezaten, jende bilketak saihestuz.

Jakinarazi nahi dizuet Tafallako alkate eta tokiko agintari nagusi naizen aldetik jarraibideak eman dizkiodala udaltzainei, Osasun Ministerioak adingabeekin kalera ateratzeko ezarritako jarraibideak betetzen ez dituzten pertsonekin salaketa-aktak egin ditzaten.
Zutaz kezkatzen garelako eta zurekin kontatu nahi dugulako, arduraz jokatu.

Tafalla, 2020ko apirilaren 27an
Tafallako Alkatea
Jesús Arrizubieta Astiz