Ayuntamiento de Tafalla/Tafallako Udala

Tafallako Kultura Batzordeak dagoeneko programatuta dauka kultur jarduera guztia urteko azken hiruhilekorako. Hamabi kontzertu, sei antzezlan eta zazpi erakusketa izango dira bertan. Nabarmentzekoak dira, besteak beste, Nafarroako Orkestra Sinfonikoak eskainiko dituen hiru kontzertu (bost guztira emango ditu bere kontzertu zikloaren barruan), Nazioarteko Abesbatza Zikloaren hogeita zortzigarren edizioa, hiru emanaldirekin, edo Gipuzkoako Ados Teatroa taldearen Muchos amigos negros antzerkia. Jarduera guztiak Tafalla Kulturgunean egingo dira.

“Udazken honetarako berrikuntza gisa, Baluarte Fundazioa eta Tafallako Udal Musika Eskola abonu-denboraldian ikasleei abantaila ekonomiko batzuk eskaintzeko egiten ari diren lankidetza nabarmendu nahi nuke, orkestrak bere herrian eskaintzen dituen kontzertuetara joatea sustatzeko eta bultzatzeko”, zioen Ruben Jauquicoa Urdánizek, Baluarte Fundazioko zuzendari-kudeatzaile berriak, Nafarroako Orkestra Sinfonikoaren ordezkari gisa.

Sarreren salmenta

Dagoeneko salgai dagoen Orkestra Sinfonikoaren bost kontzertuetarako abonamenduak 80 euroko prezioa izango du eta 948229217 telefonoan erosi ahal izango da; sarrera solteek 24 euroko prezioa izango dute eta kultur programazioko gainerako herriekin batera erosi ahal izango dira Kulturguneko leihatilan edo Tafallako Udalaren web orrian, esteka honetan.

2023ko urriko Kultur Programazioa