Ayuntamiento de Tafalla/Tafallako Udala

2023ko irailak 20

Umorez eta ikuskizunez betetako asteburua Agertxiki eguna eta Gure Zirkuarekin

Foto noticia

Gure Zirkua Tafallan da! La Moderna aparkalekuan egongo da (barrakak ipintzen diren lekuan) irailaren 22tik urriaren 10era eta bederatzi emanaldi eskainiko dituzte. Sarrerak www.gurezirkua.eus helbidearen bidez eros daitezke.

Iker Galartza; Goenkale (Etb 1), Vaya Semanita (Etb 2) edo Allí abajo (Antena 3) telebista-emanaldiengatik ezaguna, dena utzi eta zirku karpa bat erostera animatu zen, “Gure Zirkua” euskarazko lehena sortzeko. Abian jarri zenetik arrakasta handia lortu dute Euskal Herriko geografia osoan, zirkuaren berezko artea, magia eta umorea zein kalitate handiko ikuskizunak uztartuz.

Azaldu duenez, ikuskizuna publiko guztientzat da egokia eta ez da beharrezkoa euskara ulertzea. “Zirkua unibertsala da. Hasieran hizkuntzagatik etortzeko zalantzan dagoen jendea dago, baina gero konturatzen da malabaristak edo trapezistak ez dutela hitz egiten, eta pailazoak oso bisualak direla eta berdin barre egiten dutela”, azaldu du zuzendariak.

AGER TXIKI EGUNA

Bestalde, Agerraldiak zirkuaren testuinguruan antolatuta, larunbat honetan Agertxiki eguna ospatuko da hainbat ekintzarekin. Eguerdian, Porrotx pailazo mitikoa arituko da Arkakusoen Plazatxoan eta, ondoren, kalejiran joango da Eretarantz. Bertan jolasgunea egongo da, jolasak, tailerrak, musika eta bazkaltzeko gunearekin.

NOTICIAS RELACIONADAS

Facebook
Twitter
Youtube
Volver arriba
Cookieak erabiltzen ditugu gure webgunean zure nabigazio-esperientzia hobetzeko, eduki pertsonalizatuak erakusteko eta gure webgunearen trafikoa aztertzeko.
Cambiar mi consentimiento