Ayuntamiento de Tafalla/Tafallako Udala

2017ko urriak 23

Urriko feriak euri apur batekin eta giro onarekin

Foto noticia

2017/10/23

04Asteburu honetan tradizioari omen eginez, Tafallak bere urriko feriak ospatu zituen, zeru hodeitsuak eta neguko hotzaren etorreraren abisuak markatuta.

Egitaraua Merkatu Enparantzako baxuetan ospatu zen artisau garagardo dastaketa batekin hasi zen. Bertan 40 pertsona inguruk honako garagardo hauetaz gozatu ahal izan zuten, “Beer Kupela” eta Arantxa Arrieta Etxeberriaren azalpenen eskutik:

  1. Hop Shock (session IPA) LauGar garagardotegi bizkaitarrarena
  2. Kasper (German Style) Irungo Bidassoa Basque Brewery garagardotegiarena
  3. Gorritxo (Amber Ale) Arabako Garagart garagardotegiarena
  4. Nexus (Belgian Strong Dark Ale) Irungo Bidassoa Basque Brewery garagardotegiarena

Larunbat goizean tanta batzuk erori ziren, baina horrek ez zuen azoka eragotzi. Tafallarrak kalera atera ziren, besteak beste,  Nafarroako Enparantzan ireki ziren eskulangile eta elikagaien 36 postuez edo lanbide erakusketa eta tailerrez gozatzeko. Herriko ohiko musika ere bertan izan zen: txistulariak, Erraldoi eta Buruandien konpartsa eta zanpantzarrak.

Arratsaldean ekintzak Ereta Kirol Esparrura eraman ziren, non “Tafalla Hiria”  VI. Agility Trofeoa eta pala eta esku pilota partiduak ospatu ziren, pilotazalez betetako harmailaren aurrean. Herriko kaleek. ostera,  jendez lepo jarraitu zuten: Hermanas Flamarique eskola eta Rondalla Tafallesa taldeen jotekin lehenengo, eta Grupo de Rock Escuela de Música, Noise  eta Los Lucians  taldeen kontzertuekin bigarrenik.

Igande goiza Azoka-Barrutian antolatzen den ohiko zaldi azokarekin hasi zen. Oihana Osteolaza eta Maite Aizpun albaitarien datu bilketaren arabera, azokaren kronika hauxe da:

  • 66 buru sartu ziren: 35 Nafarroatik, 13 Errioxatik eta 18 Gipuzkoa eta Bizkaitik
  • 47 buru saldu ziren: 21 Nafarroara, 14 Bizkaira, 8 Aragoira eta 4 Errioxara

Goizeko 11:00etan Nafarroako Enparantzan laien lasterketa eta erakustaldia izan zen, Artaxoako eta Gareseko jendeak osatutako “Nafarroako Laialariak” kolektiboaren eskutik. Ondoren, Las Baratas, Panueva eta Irigoieneko auzokideen arteko herri kirol txapelketarekin giroa mantendu zen. Lokotx bilketa, txingak, zaku eramatea, zaku lasterketa  eta sokatira frogak burutu eta gero, La Panueva auzoak bertako saltokietan xahutzeko 100€ko saria irabazi zuen.

Egitarau ofiziala arratsaldean amaitu zen Malatxo Txarangaren errondarekin.

03

05

06

07

13

14

18

21

26

28

29

30

31

32

Argazki gehiago HEMEN

NOTICIAS RELACIONADAS

Facebook
Twitter
Youtube
Volver arriba
Cookieak erabiltzen ditugu gure webgunean zure nabigazio-esperientzia hobetzeko, eduki pertsonalizatuak erakusteko eta gure webgunearen trafikoa aztertzeko.
Cambiar mi consentimiento