Ayuntamiento de Tafalla/Tafallako Udala

Hurrengo larunbatean, apirilak 13, VII. Bizikletaren Eguna ospatuko da Tafallan, garraiobide osasuntsua bultzatzeko eta txirrindularien eskubideak aldarrikatzeko helburuarekin.

Bizikleta kalera atera eta pasealdi bat ematean datza ekimena, herrian zehar, gure lagun edo familiarrekin batera bizikidetasunerako eta aisialdirako jardunaldi bat ospatuz.

Ekimena adin guztietako jendeari bideratuta dago baina 8 urte baino gutxiagokoak heldu batekin joan beharko dira. 9km-ko ibilbide bat egingo da Tafallan barrena Polizia Munizipalak lagunduta. 3 abiapuntu ipini dira ikaslegoa martxara batzen joateko, bakoitzaren ikastetxea zein den axola gabe.

Derrigorrezkoa da kaskoa erabiltzea eta bizikletak egoera onean izatea gomendatzen da, frenoak bereziki.

Jardunaldia Erdialdeko Kirol Mankomunitateak antolatu du Tafallako Udalarekin batera.

EGITARAUA

11:00 | Irteera Escolapiosetik

11:05 | Irteera Ikastolatik

11:10 | Irteera Comarcalesetatik

12:15 | Helduera Ereta parkera : fruta eta ur banaketa

12:45 | Ekimenaren amaiera

Kolaboratzaileak: Tafallako Txirrindulari Taldea , EnBIZIate (Tafallako hiri-txirringa taldea), Garcés de los Fayos, Escuelas Pías eta Colegio Marqués Real Defensa ikastetxeetako Guraso Elkarteak.