2015/3/18
Apirilaren 12ra arte Tafallako Kultur Etxean ikusi ahal izango da “Fotógrafos Cercanos / Gertuko argazkilariak” erakusketa kolektiboa. Higuera Argazki Elkarteak antolatzen du eta Argazki-Udaberria jardueraren barruan kokatzen da. Aurrerago ere ikusgai egongo da Tafallako hainbat saltokitan.
Inaugurazioan Elkarteko hainbat kide eta udal ordezkari izan dira. Elkartearen izenean, Javier Zubirik partaideen lana azpimarratu du eta herritarrak animatu ditu erakusketa ikustera.
“Argazkiak etxetik atera gabe” gaia medio, askotariko irudiak bildu dituzte 23 argazkilarik: Miguel Arrastia, Atxu Ayerra, Fausto Garde, Gotzon Aznar, Joselu Zubiri, Pili Cordovilla, Mariano Indart, Isidro Samaniego, Jorge Ozcáriz, Juanjo Baztán, Carlos Arribas, Ainhoa Tejerina, Daniel Andión, Sandra Maestre, Marina Aoiz, Oihana Soltxaga, Leire Olkotz, Paco Sada, Puy Ainzúa, Esteban Salinas, Kike Balenzategui, Javier Zubiri eta Ana Arribas.
Erakusketa ikusgai egongo da astegunetan 19:00etatik 21:30etara, larunbatetan 18:30etatik 21:30etara eta igande eta jai egunetan 11:30etatik 14:00etara.
Halaber, Lagar aretoan Higuera Argazki Elkarteko hogeiren bat kideren berrehun argazkiz osatutako multimedia proiekzioa ikusi ahal izango da.
Hitzorduak herritarrak, toki entitateetako ordezkariak eta enpresak bildu zituen Kulturgunean 2023ko ekintzak errepasatzeko asmoz Erdialdeko Garapen Partzuergoak eta Nafarr...
Berlingo Filarmonikoko bakarlari bat eta nazioarteko ibilbidea duen Balkan Paradise Orchestra talde katalana aurtengo interprete eta irakasle taldearen parte dira Tubala Br...
Joan den irailean, Udalak lehiaketara atera zuen Madre Nicol kaleko haur-parkea hornitzeko eta instalatzeko lizitazioa, oraingoa nahiko hondatuta baitago. Nahiz eta oinarrizko...
