Agurra
Ongi etorri Tafallako Udalaren web orrialdera. Informazio gune honen helburua gure hiria ezagutzera ematea da, bisitatu nahi gaituen ororentzako hurbilketa pauso bat izanik, beti ere, haien iritzia jasotzeko eta gure zerbitzua hobetzeko asmoarekin.
Tafalla Nafarroako leku estrategiko batean dago kokatua, Erdialdean hain zuzen. Bertako hiri nagusia da eta bere ezaugarriak erakutsi nahi ditugu: hiri modernoa gara, anitza, irekia, solidarioa, kezka ugarikoa eta garapen nabaria lortu duen etorkizunarekiko ikuspegiarekin.
Informazio atal honetan gure zerbitzu, proiektu, ohitura, tradizio eta eskaintza gastronomikoa ikusi daitezke, gure egitura administratiboarekin batera. Gure esentzia erakusten duen irudi bildumak ere aurkitu daitezke, baita gure kultura, kirol edo musika eskaintzaz gozatzeko proposamenak. Egun, izapide munizipalak modu azkar eta eraginkorrean burututzeko aukera dago gure web orriaren bidez eta lan egiten jarraituko dugu egunero bertako zerbitzuak hobetu eta zabaltzeko. Gutxi barru esaterako, Administrazio Elektronikoa jarriko da martxan.
Gure web orria hiritarrekin komunikatzeko kanal garrantzitsua dela uste ddut, ez duelako soilik informatzeko balio, baizik eta “Alkateak erantzuten du” atalaren bidez hauen kexak edo proposamenak entzun eta modu azkarrean erantzuteko ere. Nire helburua bertara iristen diren mezu guztiak erantzutea da eta hiritarren parte hartzeak kudeaketaren hobekuntza ekartzen du beti.
Web orri honen helburuak betetzeko konfidantza daukat, modu honetan gure hiri ederra partekatzeko eta guztion proposamenen bidez hobetzen saiatzeko.
Agur bero bat.
Jesús Arrizubieta Astiz